Самарада Илһам Шакировка багышланган кичә узачак

14 февральдә Халыклар дуслыгы йортында Самара өлкә татар милли-мәдәни автономиясе һәм «Туган тел» өлкә татар җәмгыяте Илһам Шакировның 90 еллыгына багышланган «Ил халкының күңелен нурлап…» дип аталган музыкаль кичә үткәрәләр.Бу хакта «Самара татарлары» сайты хәбәр итә.

Очрашуда үзешчән артистлар бөек җырчыбыз репертуарыннан алынган популяр җырларны башкарачаклар. Җырчыны белгән һәм аралашкан якташларыбыз истәлекләре белән уртаклашачаклар.