Россиядә автомобильләргә техник тикшерү узу 20 процентка кыйммәтләнергә мөмкин

Россиядә автомобильләргә техник тикшерү узу 20 процентка кыйммәтләнергә мөмкин. Бу хакта автоэксперт Игорь Моржаретто хәбәр итте.

«Ул (техник тикшерү бәясе – иск. Т.–и.) уртача 1000 сум. Хәзер 1200 булачак. Күңелсез, әлбәттә, әмма тарифларның үсешен критик дип тә атап булмый», – дип китерә аның сүзләрен «Парламентская газета».

Элегрәк юрист Магомед Янгулби инде сатып алынган машина өчен нинди очракта өстәмә рәвештә түләргә туры киләчәге турында сөйләде.

Моннан тыш, Татарстан яңа автомобиль сатып алу өчен кредит бирү дәрәҗәсе иң югары булган Россия регионнары өчлегенә керде.