Казанда җиде кеше сөрем газы белән агуланганнан соң эш ачтылар

Казанда яшәүче җиде кеше сөрем газы белән агулаганнан соң тикшерүчеләр иминлек таләпләренә җавап бирми торган хезмәтләр күрсәтү турында җинаять эше ачты. Бу хакта Россия Тикшерү комитеты мәгълүмат үзәге хәбәр итә.

Тикшерү мәгълүматларына караганда, Казанда җиде кеше, шул исәптән дүрт бала, фатирда сөрем газы белән агуланган. Фаҗиганең якынча сәбәбе – газ җиһазларын эксплуатацияләү кагыйдәләрен бозу.

Элегрәк «Татар-информ» хәбәр иткәнчә, гадәттән тыш хәл 27 гыйнварда Рихард Зорге урамында урнашкан йортның беренче катындагы фатирда булды. Фаҗига урынына килгән ашыгыч хезмәтләр вентиляция һәм төтен чыгу юлы суыруын теркәгән, әмма фатирда сөрем газы концентрациясе югары булган. Белгечләр биш фатирда газны сүндергән.

Җинаять эшен тикшерү турында ведомство башлыгы Александр Бастрыкинга хәбәр итәчәкләр.