Шарм-эль-Шейхтан Казанга килә торган ике рейс Самарага һәм Уфага җибәрелгән

Иртәнге сәгатьләрдә Казан аэропорты вакытлыча һава судноларын кабул итми һәм җибәрми.

«Татар-информ»га аэропорт матбугат хезмәтендә сөйләүләренчә, Шарм-эль-Шейхтан Казанга юнәлгән ике рейс, экипаж командирлары карары буенча, Самарага һәм Уфага запас аэродромнарга җибәрелгән.

«Тоткарланган рейсларның пассажирлары белән аэропортта Федераль авиация кагыйдәләре нигезендә авиакомпанияләр вәкилләре һәм аэропорт хезмәткәрләре эшли. Балалы пассажирларга аэропортта ана һәм бала бүлмәсе хезмәте тәкъдим ителде», - дип сөйләделәр матбугат хезмәтендә.