Рөстәм Миңнеханов Идел буе транспорт прокуроры Максим Суров белән очрашты

Бүген Татарстан Хөкүмәте Йортында Татарстан Республикасы Рәисе Рөстәм Миңнехановның Идел буе транспорт прокуроры Максим Суров белән эшлекле очрашуы узды. Бу турыда Татарстан Рәисе матбугат хезмәте хәбәр итте.

Законнарны үтәү, тимер юл, һава һәм эчке су транспорты эшчәнлеге өлкәсендә, шулай ук таможня өлкәсендә кеше һәм граждан хокукларын һәм ирекләрен саклау кебек темалар каралды.

Искәртәбез, кичә, 2025 елның 23 гыйнварында, Идел буе транспорт прокуроры Максим Суров Казанда Татарстан Республикасы халкын шәхсән кабул итте.

Максим Суров Россия Президенты В.В. Путин Указы нигезендә 2024 елның октябрендә Идел буе транспорт прокуроры вазыйфасын биләде.