Әлмәт хәрбие Суворов медале белән бүләкләнде

Әлмәттән Алтай кушаматлы хәрби махсус хәрби операция барышында күрсәткән кыюлыгы, батырлыгы һәм профессионализмы өчен дәүләт һәм ведомство бүләкләренә лаек булды. Бу турыда «Татар-информ» яза.

2023 елның июлендә ул штурм вакытында сугышчан иптәшләренә берничә хәрбине әсирлеккә алырга ярдәм итә. Үзе яраланса да, батырлык күрсәтеп, эвакуациядән баш тарта.

2024 елның сентябрендә дрон һөҗүм иткән вакытта Алтай, тиз эш итүе хисабына, мөһим документларны саклап кала, иптәшләрен һәм техниканы коткара.

Шуның өчен 32 яшьлек хәрби Суворов медале һәм «Махсус хәрби операциядә катнашучы» медале белән бүләкләнә.

• 1 гыйнвардан Татарстанда РФ Саклану министрлыгы белән контракт төзүчеләргә 2,2 миллион сум акча бирелә. Акчаның күләме арту республикада түләүләр күтәрелүгә бәйле.
• РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.