2024 елда Татарстан Республикасында Россиянең 330 спорт мастеры әзерләнгән

Татарстан Республикасында 2024 елда Россиянең 330 спорт мастеры әзерләнгән. Владимир Леонов ТР Спорт министрлыгы коллегиясендә шул хакта хәбәр итте.

Шулай ук Татарстан Республикасы спорт министры билгеләп үткәнчә, 2024 ел нәтиҗәләре буенча төбәктә Россиянең 3 атказанган спорт мастеры, Россиянең халыкара класслы 13 спорт мастеры һәм 1348 спорт мастерлыгына кандидат әзерләнгән.

2024 елда Татарстан Республикасы спортчылары спортның 143 төрендә 1013 медаль (307 – алтын, 341 – көмеш һәм 365 – бронза) яулаган.

2024 ел нәтиҗәләре буенча «Киләчәк Уеннары» һәм БРИКС илләре Уеннары Татарстанның иң зур спорт вакыйгалары булды.