Татарстанда 2024 елда сәнәгать җитештерүе индексы артты

Татарстанда 2024 елның 11 аенда сәнәгать җитештерүе индексы, 2023 елның шул ук чоры белән чагыштырганда, 4,1 процентка арткан. Бу хакта Татарстанстат мәгълүматларыннан билгеле булды.

Статистика буенча, республикада эшкәртү производствосы продукциясен чыгару күләмен (+8,5 процент), азык-төлек продуктларын (+6,1 процент), кәгазь (+7 процент), компьютерлар һәм электрон әйберләр чыгару күләмен (+10,3 процент) арттырганнар.

Шулай ук 2024 елның 11 ае нәтиҗәләре буенча электр энергиясе, газ һәм пар белән тәэмин итү күләме артты (2023 елның шул ук чоры белән чагыштырганда 8,7 процентка, шулай ук су белән тәэмин итү, су бүлү һәм калдыкларны җыюны оештыру артты (+6,6 процент).