Татарстанда автомобильчеләрне һава торышының начараюы турында кисәттеләр

Синоптиклар фаразлавынча, иртәгә Татарстан территориясендә җилнең тизлеге секундына 15 метр фаразлана һәм буран көтелә, күз күреме 2 километрга кадәр начараячак. Шуңа бәйле рәвештә ТР Дәүләт автоинспекциясе машина йөртүчеләргә юл йөрү кагыйдәләрен үтәргә киңәш итә.

Автомобильчеләргә куркыныч, бигрәк тә каршы як полосага чыгу белән бәйле маневрлардан тыелырга, һава торышы һәм юл шартларыннан чыгып хәрәкәт итү тизлеген сайларга, иминлек каешларын кулланырга һәм балаларны бары тик автокреслоларда гына йөртергә кирәк.