Казанда ватрушкада шуган кызның, юл билгесенә бәрелеп, үлгән мизгеле видеосы чыкты

10.01.2025 17:32

Видеода күренгәнчә, кыз автомобильнең арткы өлешенә бәйләнгән тюбингта утырып шуып барган.

«Татар-информ» белдергәнчә, машина хуҗасы һәлак булган кызның 22 яшьлек дус кызы булган. Кыз тулысынча үз гаебен таный, аңа карата читкә китмәү турында чикләү чарасы сайланган. Хәзерге вакытта суд-медицина, суд-биологик һәм суд-автотехник экспертизалар билгеләнгән.