Автоинспекторлар Казан халкыннан машиналарын юл кырыйларында калдырмауларын сорый

Автоинспекторлар Казан халкыннан машиналарын юл кырыйларында калдырмауларын сорый, чөнки алар коммуналь хезмәткәрләр эшенә бик нык комачаулый.

Дәүләт автоинспекциясендә кисәтүләренчә, әгәр машина йөртүчеләр, таләпләрне бозып, транспортларын юл кырыенда калдырса, аларга 1500 сум күләмендә штраф яный. Хокук бозучының автомобилен махсус стоянкага җибәрәчәкләр.

Шул ук вакытта «В» категорияле транспорт чарасын махсус машина кую урынына күчергән өчен хокук бозучыга 3 мең сумнан артык түләргә туры киләчәк. Моннан тыш, саклана торган стоянкада мондый автомобильне 1 сәгать тоту 33,80 сумга төшәчәк.

Казан дәүләт автоинспекциясе йөртүчеләрне машиналарын юлларны җыештыруга комачауламый торган итеп куярга чакыра.