Алабуга районында янгында алты эшче һәлак булганнан соң прокуратура тикшерү башлады

Алабуга районында янгында алты эшче һәлак булганнан соң прокуратура процессуаль тикшерү оештырды. Бу хакта күзәтчелек ведомствосы матбугат хезмәте хәбәр итә.

Элегрәк «Татар-информ» Алабуга районында авыл хуҗалыгы предприятиесе эшчеләре вакытлыча яшәгән йортта янгын чыгу турында хәбәр итте. Янгын чыккан вакытта өй эчендә 39 кеше булган. Шулар арасыннан 33 эшче бинадан мөстәкыйль рәвештә чыккан, бер кеше җәрәхәтләр алган. Янгын сүндерүчеләр алты ир-ат мәетен тапкан.

Вакыйга урынына Алабуга шәһәре прокуроры Айрат Низамиев һәм аның урынбасары Артур Князев килгән. Фаҗиганең сәбәпләре һәм шартлары ачыклана.