Путин Казанда БРИКС штаб-фатиры булачакмы дигән сорауга җавап бирде

БРИКС нинди дә булса шәһәрдә оешманың аерым штаб-фатирын булдыруны планлаштырмый. Бу хакта Россия Президенты Владимир Путин туры элемтә барышында, «Татар-информ» агентлыгы хәбәрчесенең Казанда шундый штаб ачу мөмкинлеге турындагы соравына җавап биргәндә әйтте.

«Штаб-фатир булмаячак. Бөтен оешманың мәнфәгатьләрен күздә тотып эшли торган аерым кораллар бар. Һичшиксез, алдагы дистә елларда Татарстан башкаласында булдырылган барлык мөмкинлекләрне кулланачакбыз», – дип ассызыклады Путин.

• Искәртик, быел октябрьдә Казанда БРИКС саммиты узды, 30 дан артык дәүләттән делегацияләр катнашты.