Мурманск өлкәсендә поездлар бәрелешкән, биш кеше зыян күргән

Мурманск өлкәсенең көньягында поездлар бәрелешкән. Биш кеше зыян күргән.

РИА Новости хәбәр иткәнчә, һәлак булучылар юк.

«Татар-информ» Княжная станциясендә ике катлы пассажир поездының йөк поезды белән бәрелешүен язган иде.

Якынча мәгълүматлар буенча, өч вагон рельслардан чыккан. Фаҗига урынында коткаручылар һәм ашыгыч ярдәм бригадалары эшли.