Татарстанда кабат томан һәм көчле бозлавык көтелә

Бүген һәм иртәгә Татарстанда кабат һава шартлары сизелерлек начараю фаразлана. Бу хакта ТР Гидрометеорология үзәге кисәтә.

3 декабрьдә кич, 4 декабрьдә төнлә һәм көндез республикада, шул исәптән Казанда, урыны белән томан төшә һәм бозлавык барлыкка килә. Юлларда бик көчле бозлавык була.

Төбәктә тәүлекнең караңгы вакытында һава температурасы 0..-4 градусны тәшкил итәчәк (ТР башкаласында – 0..-2 градус).