Татарстанда кар, җепшек кар һәм 3 градус җылылык көтелә

Бүген 14 ноябрьдә, Татарстанда болытлы һәм дымлы, чагыштырмача җылы һава торышы көтелә. Бу хакта республиканың Гидрометеорология үзәге хәбәр итә.

Болытлы һава торышы була. Кар һәм җепшек кар (көндез урыны белән, Казанда явым-төшемсез) явачак. Юлларда урыны белән бозлавык була.

Көнбатыштан һәм көньяк-көнбатыштан секундына 5-10 метр тизлектә җил исә. Вакыты белән, шулай ук Казанда да җил тизлеге секундына 13 метрга кадәр җитә.

Көндез һава температурасы -1...+3 градус, Казанда +1...+3 градус була.