Рөстәм Миңнеханов эш сәфәре белән Бәһрәйнга килде

Татарстан Рәисе Рөстәм Миңнеханов эш сәфәре белән Бәһрәйн Корольлегенә килде.

Татарстан Рәисе матбугат хезмәте җитәкчесе Лилия Галимова хәбәр иткәнчә, Манама шәһәренең халыкара аэропортында аны король гаиләсе әгъзалары Шейх Хамад бин Ибраһим Әл Хәлифә, Шейх Фәйсал Бин Рашед Әл Хәлифә, Шейх Ибраһим бин Хәлифә Әл Хәлифә, Россия Федерациясенең Бәһрәйн Корольлегендә Гадәттән тыш һәм тулы вәкаләтле илчесе Алексей Скосырев, шулай ук губернатор Мөхәррак Салман ибн Иса ибн һинди каршы алган.

Миңнеханов Ислам банкингы һәм финанслары буенча 19 нчы еллык конференциядә катнашачак, шулай ук бизнес вәкилләре һәм Бәһрәйн җитәкчелеге белән эшлекле очрашулар уздырачак, диелә.