Татарстанда кышкы тәгәрмәч бәяләренең күпмегә артканы билгеле

Ел башыннан бирле Татарстанда кышкы шиналарга бәя 4 процентка арткан, бер покрышка өчен уртача бәя 6 меңнән артыграк. Бу хакта «Татар-информ»га «Гадел билге» маркировка буенча дәүләт системасы операторы матбугат хезмәтендә хәбрә иттеләр.

«Татарстанда 2024 елның гыйнвар-август айларында кышкы шиналар сату, узган елның шушы чоры белән чагыштырганда, 46 процентка арткан. Ә бәя 4 процентка арткан һәм бер покрышка бәясе уртача 6072 сум», – дип сөйләделәр матбугат хезмәтендә.

Кышкы шиналар арасында сатуларның иң зур үсеше «Шипланмаган җиңел шиналар» категориясендә теркәлгән: күрсәткеч 89 процентны тәшкил итә. Бәя, 6 процентка, бер шина өчен 4864 сумга кадәр арткан. Ихтыяҗ буенча икенче урында – җиңел шипланган шиналар. Аларны сату 32 процентка, ә бәя 6 процентка, ягъни 7280 сумга кадәр арткан.

Элегрәк «Татар-информ» Татарстанда 2024 елның гыйнвар – август айларында бер покрышканың уртача бәясе (җәйге резинаны да кертеп) узган елның шул ук чоры белән чагыштырганда 11 процентка арткан һәм якынча 7 мең сум тәшкил итә дип хәбәр иткән иде.