Илдар Абдразаков Президент каршындагы Мәдәният һәм сәнгать советы составына керде

Уфада туып-үскән опера җырчысы Илдар Абдразаков Россия Федерациясе Президенты каршындагы Мәдәният һәм сәнгать советы составына керде. Документ 15 октябрьдә хокукый мәгълүмат рәсми порталында чыкты. Бу хакта «Башинформ» яза.

Советны Россия Президенты Владимир Путин җитәкли. Аның составына Карен Шахназаров, Владимир Мединский, Владимир Спиваков, Юрий Башмет, Денис Мацуев, Валерий Гергиев һәм башкалар кебек күренекле иҗади шәхесләр керә.

Элегрәк «Башинформ» Аскар Абдразаков Россия Мәдәният министрлыгы каршындагы Иҗтимагый совет составына керде, дип хәбәр итте.