Нурлаттан Лисичанск һәм Рубежное шәһәрләрендә яшәүчеләргә гуманитар ярдәм китерделәр

Нурлат районыннан Лисичанск һәм Рубежное шәһәрләренә 19 тонна гуманитар ярдәм китерделәр. Татарстан шефлыгындагы шәһәрләргә 150дән артык шифер, 15 кубометр агач материалы, 17 рулон фольгаизол һәм 126 төргәк җылыткыч тапшырылды.

Фото: © ТР вице-премьеры Фәнил Әһлиуллин аппараты

Гуманитар йөк Нурлат районы башлыгы Дамир Ишкиниев җитәкчелегендә Лисичанск һәм Рубежное кураторы Фәнил Әһлиуллин катнашында җыелды.

«Шефлыктагы шәһәрләр кураторы белән турыдан-туры хезмәттәшлек нәтиҗәсендә Нурлат районы җирле халык, предприятиеләр һәм администрация ихтыяҗларын исәпкә алып ярдәм күрсәтә», - дип белдерде Дамир Ишкиниев.

Моннан тыш, Нурлат шәһәре «Хәрби туганлык» вәкилләре Татарстан вице-премьеры Фәнил Әһлиуллинга республика шефлыгындагы Лисичанск һәм Рубежное шәһәрләре өчен гуманитар ярдәм җыюны оештыруга керткән өлеше өчен Рәхмәт хаты һәм медаль тапшырдылар.