Казан телевидениесе алып баручысы «Миссис Россия International 2024» титулын яулады

Казан телевидение алып баручысы Динара Вургафт «Миссис Россия International 2024» конкурсында җиңде. Бу хакта ул «Вконтакте» социаль челтәрендәге сәхифәсендә сөйләде.

«Төп таҗны Казанга алып кайтам. «Татарстан гүзәле» конкурсында җиңгәннән соң, нәкъ 10 ел узгач, мин үз хыялымны тормышка ашырдым», — дип язган җиңүче.

Вургафт 2014 елда «Татарстан гүзәле» титулына ия булды. Ул чакта ул Акбашева фамилиясен йөртә иде.

Фото: vk.com/dinararobertovna

Конкурска нәтиҗәләрне Ростов Донда ясадылар. Динара Вургафттан тыш, анда катнашучылар арасында Казанның тагын ике вәкиле — Альбина Каменецкая һәм Екатерина Биккинина бар иде.

«Миссис Россия International 2024» җиңүчесе хәзер «Миссис International» дөньякүләм конкурсында катнашырга тиеш.