Түбән Каманың яңа балалар поликлиникасын ел ахырына ачарга планлаштыралар

Түбән Камада 3нче балалар поликлиникасын ачу 2024 ел ахырына планлаштырылган. Бу хакта администрациянең матбугат хезмәте хәбәр итә. Бу хакта http://nkamsk-rt.ru/ сайтында Фәридә Зарипова яза.

Хәзерге вакытка поликлиникада монтаж эшләре тәмамланган, коммуникацияләр үткәрелгән. Хәзер эшчеләр эчке эшләр, бинаны тышлау, янәшәдәге территорияне төзекләндерү эшләрен башкара, диелә Түбән Кама муниципаль районының рәсми сайтында.

Кичә объектта Татарстан сәламәтлек саклау министры урынбасары Илдар Фатихов булды, ул төзелеш барышын бәяләде.

Поликлиниканы торгызу март аенда башланды. Яңа балалар поликлиникасы сменасына 200гә кадәр кешене кабул итә алачак. Анда үз сөт кухнясы да була.