Тынычлык өчен Нобель премиясе лауреаты билгеле булды

Тынычлык өчен Нобель премиясен 2024 елда Nihon Hidankyo атамалы Япония оешмасы алды. Оешмага 1945 елда АКШ Кораллы көчләре Хиросима һәм Нагасаки шәһәрләрен атом-төш корал кулланып бомбардировкалаган вакытта исән калганнар нигез салган. Хәзерге вакытта берләшмә бөтен дөнья буйлап атом-төш коралын тыю тарафдарларыннан санала.

Норвегия Нобель комитетында аңлатуларынча, әлеге берләшмә премиягә «атом-төш коралыннан башка тынычлыкка ирешүдә тырышлыгы һәм атом-төш коралы кабат беркайчан да кулланылырга тиеш түгеллеген күрсәтүе өчен» лаек дип табылган.

Моңарчы билгеле булганча, Көньяк Корея язучысы Хан Ган әдәбият буенча Нобель премиясе лауреаты булды.