Сентябрьнең соңгы көнендә Татарстанда +25 градуска кадәр җылы булачак

Бүген, көзнең беренче аеның соңгы көнендә, Татарстанда элек урнашкан аномаль җылы һәм коры һава торышы сакланачак. Бу хакта ТР Гидрометеорология үзәге хәбәр итә.

Республикада алмашынучан болытлы һава көтелә. Явым - төшем ихтималы – аз.

Көньяк-көнбатыштан җил дәвам итәчәк. Аның көче 6-11 м/с, урыны белән (шул исәптән Казанда) 15 м/с ка кадәр тәшкил итәчәк.

Шактый салкын төннән соң (төбәкнең көньягында һәм көнчыгышында туфракта -1 градуска кадәр салкыннар белән) көндез һава 20-25 градуска кадәр җылыначак (ТР башкаласында — +21, +23 градуска кадәр).