«Яңа исем» әдәби лабораториясендә этикет белгече Айсылу Гарипова белән остаханә була

20 сентябрьдә 16.00 сәгатьтә «Яңа исем» әдәби лабораториясе кысаларында Татарстан Милли музее филиалы – Татар әдәбияты тарихы музее һәм Шәриф Камал мемориаль фатирында этикет белгече Айсылу Гарипова белән «Этикет. Ничек итеп беренче күрешүдә идеаль тәэссорат калдырырга?» дигән темага бушлай мастер-класс була.

«Язучы – кеше арасында еш була торган шәхес. Ул күз өстендә каш кебек, кеше аның үз-үзен тотышына карый, киенү зәвыгын күзәтә, сүзенә колак сала һәм аңа иярә. Шуның өчен дә булачак язучылар өчен хәзерге заман этикетының әлифбасын белү файдалы булыр», – диелә хәбәрдә.