Атна уртасында Татарстанда кырау төшүе ихтимал

Агымдагы атна уртасында Татарстанда кырау төшүе көтелә. Бу ТР Гидрометеорология үзәге фаразыннан күренә.

Сишәмбегә каршы төндә, 17 сентябрьдә, республикада температура 7дән 12 градуска кадәр, төбәкнең көнчыгышында 5-7 градус җылы булачак.

Чәршәмбегә каршы төндә, 18 сентябрьдә, термометр баганалары +5..+10 градус, ә көнчыгыш районнарда +2 ..+ 7 градус күрсәтәчәк. Шул ук вакытта урыны белән кырау төшүе ихтимал.

Тәүлекнең якты вакытында Татарстанда һава элеккечә 20-25 градуска кадәр җылыначак.