Мисырда юл-транспорт һәлакәтендә Россиядән 20дән артык турист зыян күргән

Мисырда Суэц-Каһирә трассасында автобус катнашындагы юл-транспорт һәлакәтендә Россиядән 21 турист зыян күргән. Бу хакта Cairo24 басмасы чыганакка сылтама белән хәбәр итә, дип яза РИА Новости.

Басма мәгълүматы буенча, Шарм-эш-Шейхтан Каһирәгә барган автобус Суэц провинциясендә әйләнеп капланган. Чыганак буенча, автобуста 43 чит ил туристы һәм Мисырдан 4 кеше булган.

«11 төрек, Бөекбританиядән 2 кеше, Россиядән 21 кеше, Италиянең 9 гражданы һәм автобус йөртүчесе зыян күргән», - диде басманың әңгәмәдәше һәм юл-транспорт һәлакәтендә һәлак булучылар юклыгын да әйтте.

Россиянең Каһирәдәге илчесе РИА Новостига белдергәнчә, әлегә булган хәл турында мөрәҗәгатьләр алмаганнар.

Соңрак туризм тармагындагы чыганак РИА Новостига сөйләгәнчә, Россия туристлары экскурсияне урам агентлыгыннан сатып алган.