Мәскәү Җәмигъ мәчетендә Мәүлид бәйрәме була

15 сентябрьдә Мәскәү Җәмигъ мәчетендә Мөхәммәд пәйгамбәрнең (салләллаһу галәйһи вә сәлләм) туган көненә багышланган «Мәүлид: Пәйгамбәр белән танышу. Минем тарих» дип аталган дини бәйрәм узачак. Бу хакта Россия мөселманнары Диния нәзарәте хәбәр итә.

Бәйрәм кичәсендә салават әйтү һәм Пәйгамбәрне (салләллаһу галәйһи вә сәлләм) олылау сүзләре яңгыраячак.

Чара программасында дин әһелләренең һәм галимнәрнең тематик чыгышлары, иҗади һәм театральләштерелгән номерлар була. Бәйрәмдә Россия Федерациясе мөселманнары Диния нәзарәте һәм Мәскәү мөселманнары Диния нәзарәте имамнары һәм мөгаллимнәре катнашачак.

Дини чара максатчан киң аудиториягә исәпләнгән һәм анда Мөхәммәд пәйгамбәрнең (салләллаһу галәйһи вә сәлләм) шәхесе һәм тәгълиматы, аның тәгълиматы яктылыгының гомумән кешелек тарихына һәм мәдәниятенә ничек йогынты ясавы турында сөйләнәчәк.

Бәйрәм Мәскәү Җәмигъ мәчетенең төп намаз залында (2 кат) узачак. Башлана 18 сәгать 30 минутта. Керү ирекле, диелгән хәбәрдә.