Татарстанлылар Үзәк сайлау комиссиясе каршындагы Яшьләр советы составына керә ала

Татарстан халкы ТР Үзәк сайлау комиссиясе каршындагы Яшьләр советы составына керә һәм сайлау комиссиясенең җәмәгать ярдәмчеләре һәм сайлауларда волонтерлар була ала. Моның өчен аларга «Атмосфера – 2024» мәгариф проектында җиңәргә яки призер булырга кирәк.

ТР Үзәк сайлау комиссиясе хәбәр иткәнчә, белем бирү программасына җәмәгатьчелек фикере лидерлары катнашында семинарлар, лидерлык сыйфатларын һәм күнекмәләрен үстерүгә юнәлдерелгән һөнәри тренинглар, шулай ук иҗтимагый берләшмәләр чараларында катнашу керә.