Россия банкы төп ставканы 19 процентка кадәр күтәрде

Үзәк банк төп ставканы 18 проценттан 19 процентка кадәр арттырды. Карар көйләгечнең директорлар советы утырышында кабул ителде.

«Россия Банкы директорлар советы 2024 елның 13 сентябрендә төп ставканы 100 базис пунктка (19 процентка кадәр) күтәрергә карар кабул итте», – дип билгеләп үтелә матбугат хезмәте хәбәрендә.

Моннан тыш, ел нәтиҗәләре буенча еллык инфляциянең фараз диапазоны арттырылырга мөмкин. Бу хәзерге вакытта инфляция басымы югары булу белән бәйле.