Татарстанда +29 градуска кадәр җылы булачак һәм томан төшүе ихтимал

Пәнҗешәмбе көнне, 12 сентябрьдә, Татарстанда коры һәм җылы һава торышы көтелә. Бу хакта ТР Гидрометеоүзәгендә хәбәр иттеләр.

Төнге һәм иртәнге сәгатьләрдә республикада томан булырга мөмкин. Җил көньяк-көнчыгыштан, көнчыгыштан фаразлана. Көндез аның тизлеге урыны белән секундына 12 метрга җитәчәк.

Төнлә һава температурасы 10-15 градус булса, көндез термометр баганалары 24-29 градуска кадәр күтәреләчәк.