Чаллыда «Приора» йөртүчесе мәктәп укучысын җәяүле кичүендә таптаткан

Кичә кич белән «Лада Приора» автомобиленең 24 яшьлек йөртүчесе 10 яшьлек мәктәп укучысын таптаткан. Бу хакта шәһәр Дәүләт автоинспекциясендә хәбәр иттеләр.

Юл-транспорт һәлакәте Татарстан урамындагы 8нче йорт каршында булган. Ведомство мәгълүматлары буенча, кыз идарә ителми торган җәяүле кичүе аша чыккан.

Нәтиҗәдә укучы кызны Ашыгыч медицина ярдәме хастаханәсенә китергәннәр. Табиблар караганнан соң аны өенә кайтарып җибәргәннәр.