Памфилова сайлауларда хокук бозулар буенча мөрәҗәгатьләрнең аз булуын әйтте

Бүген Россиядә уза торган бердәм тавыш бирү көнендә сайлауларда хокук бозуга шикаятьләр минималь санда теркәлгән. Бу хакта Россия Үзәк сайлау комиссиясе Рәисе Элла Памфилова мәгълүмат үзәгендә узган брифингта әйтте.

Шул ук вакытта, ул тавыш бирүнең экстремаль һәм экстраординар шартларда узуына игътибар юнәлтте.

«Конкрет хокук бозулар турында мөрәҗәгатьләр саны кисәк кимеде», – дип яза Памфилова сүзләрен ТАСС агентлыгы.

Әмма, икенче яктан, «безнең хөрмәтле партияләрнең [кайбер] вәкилләре» белән бәйле инцидентлар үсеше күзәтелә, диде ул.

Россиянең төрле төбәкләрендә 60тан артык шундый мөрәҗәгать булган. «Чынбарлык белән расланган мондый инцидентларның иң күбе Севастополь шәһәрендә, Псков һәм Самара өлкәләрендә билгеләнгән», – диде Россия Үзәк сайлау комиссиясе рәисе.