8 сентябрь көнне «Казан» Гаилә үзәге янында хәрәкәтне чиклиләр

Казанда Татарстан Дәүләт Советына сайлау көнне – 8 сентябрьдә – «Бөтен гаилә белән сайлауларга» фестивален үткәрү сәбәпле, «Казан» Гаилә үзәге янында хәрәкәтне чикләячәкләр. Бу хакта шәһәр Дәүләт автоинспекциясе телеграм-каналында хәбәр ителә.

Иртәнге сәгать 6.00дан төнге 24 сәгатькә кадәр Декабристлар урамыннан Әпсәләмов урамына кадәр Сибгат Хәким урамы буенча участокта хәрәкәт тыелачак. Чаша янында парковка зонасы да ябык була.