Старовойт: Беренче яртыеллыкта Россия буенча авиабилетлар бәясе 20 процентка артты

Россиядә эчке рейсларга авиабилетлар бәясе беренче яртыеллыкта 20 процентка арткан. Бу аларга ихтыяҗ булу белән аңлатыла. Монополиягә каршы федераль хезмәт мәгълүматы буенча, билетның уртача бәясе 9150 сум. Бу хакта Көнчыгыш икътисади форумында Россия транспорт министры Роман Старовойт хәбәр итте.

«Без, кызганычка, шул исәптән билет бәясе үсешен дә теркибез. Беренче яртыеллыкта якынча 20 процентка артты», - диде ул РИА Новостига биргән интервьюсында.

Авиабилетлар уртача 1550 сумга артып, 9150 сумга кадәр кыйммәтләнүенә ачыклык кертте ул.