Россия белән Иран Казанда киң колачлы партнерлык турында килешү имзаларга мөмкин

Казанда БРИКС саммитында Россия белән Иран арасында киң колачлы партнерлык турында килешү имзаланырга мөмкин. Бу хакта Иранның Россиядәге илчесе Казем Джалили хәбәр итте.

Аның сүзләренчә, имзалау саммит кырларында да, соңрак дәүләт башлыклары Владимир Путин һәм Масуд Пезешкианның шәхси очрашуында да булырга мөмкин.

«Без Россия хезмәттәшләребез белән бу мәсьәлә буенча сөйләштек. Беренче идея, чыннан да, шундый», - дип аның сүзләрен китерә ТАСС.

Джалили билгеләп үткәнчә, 22-24 октябрьдә Казанда узачак саммит — зур вакыйга, анда күп дәүләтләрнең лидерлары чакырылган. Иран Президенты өчен бу Россиягә беренче сәфәр була.

«Шулай ук без бу документны имзалауны Тәһранда, яки Мәскәүдә аерым очрашуга кичектереп тора алабыз. Моның белән хәзер шөгыльләнәләр, ике вариант карала. Әлегә кадәр карар кабул ителмәгән», - дип өстәде дипломат.

Аның сүзләренчә, килешү өстендә эш ахырына якынлаша - дәүләт эчендәге процедуралар үткәрелә.