Татарстан Икътисад министрлыгы республикада өч елда реаль хезмәт хакы үсешен исәпләде

Татарстан Премьер-министры – икътисад министры Мидхәт Шаһиәхмәтов 2025 елда республика халкының реаль хезмәт хаклары күпмегә үсәргә мөмкин булуын әйтте. Саннар Татарстан Министрлар Кабинетында яңгырады.

«2025 елга реаль хезмәт хакының 103,9 процентка артуы планлаштырыла», – дип белдерде Шаһиәхмәтов.

2026 елда бу күрсәткечнең 2,9 процентка артуы көтелә, ә 2027 елда татарстанлыларның реаль хезмәт хаклары 2,4 процентка үсәргә мөмкин.

Шаһиәхмәтов шулай ук Татарстанда эшсезлек дәрәҗәсен әйтте – сентябрь башына республикада 3,5 мең эшсез бар, аларга 50 мең вакансия туры килә.