Кондратьев: Татарстан халкы сайлауга гаилә белән йөрү традициясен актив үстерә

Татарстан халкы сайлауларга бөтен гаиләләре белән килү традициясен актив үстерә. Бу хакта «Татар-информ»га республиканың Үзәк сайлау комиссиясе рәисе Андрей Кондратьев әйтте һәм республикадагы күп балалы гаиләләр арасында «Бөтен гаилә белән сайлыйбыз!» видеороликлар бәйгесендә җиңгән Абрамовлар гаиләсенең республикада урнашкан традицияләр турында сөйләячәгенә өмет белдерде.

«Бүген бик тантаналы көн. Гомумән, әгәр миңа сүз бирсәләр, «бәйрәм белән» дигән сүздән башлаячакмын. Бүген бердәм тавыш бирү көне, сайлау кампаниясе уздыру буенча җаваплы эш башлана. Менә шулай килеп чыкты, безнең гаилә - «Бөтен гаилә белән сайлыйбыз» бәйгесендә җиңүче булды. Бүген аларны Элла Памфилова (Россия Федерациясе Үзәк сайлау комиссиясе рәисе) каршы ала. Алар бу бәйгенең ничек уздырылуы, аның Татарстанда гаиләләр белән тавыш бирергә йөрүләренә ничек йогынты ясавы турында сөйләрләр дип өметләнәм», — диде Татарстан Үзәк сайлау комиссиясе рәисе.

Ул сайлау участокларына гаиләләр белән бару тенденциясен үстерергә кирәклеген һәм ул Татарстанда бу традицияне актив үстерүгә бик шат булуын әйтте.

2024 ел башында ТР Үзәк сайлау комиссиясе республиканың күп балалы гаиләләре арасында «Бөтен гаилә белән сайлыйбыз!» дип аталган видеорликлар бәйгесен башлады. Абрамовлар гаиләсе сайлауларда катнашуның ни өчен мөһим булуы турында бөтен Татарстаннан дистәләгән гаилә белән видеоролик төшерде һәм бәйгедә җиңүче булды. Соңрак Элла Памфилова бу гаиләне Россия Үзәк сайлау комиссиясенә чакырды һәм 6 сентябрьдә мәгълүмат үзәге эшендә катнашырга тәкъдим итте.

2024 елның 8 сентябрендә Россиядә төрле дәрәҗәдәге сайлаулар узачак. Татарстанда Дәүләт Советы депутатларының яңа составы сайланачак. Партия исемлекләре һәм бер мандатлы сайлау округлары буенча иллешәр депутат сайлана. Үзәк сайлау комиссиясе биш сәяси партия исемлеген теркәгән: «Яңа кешеләр», «ЛДПР – Россия Либераль-демократия партиясе», «Гадел Россия – Патриотлар – Гаделлек өчен», «Бердәм Россия», «КПРФ – Россия Федерациясенең коммунистлар партиясе».

100 депутат мандатына барлыгы 397 кандидат дәгъва кыла.