Татарстанда халыкның табигый кимүе артты

2024 елның беренче яртыеллыгы йомгаклары буенча Татарстанда халыкның табигый кимүе, узган 2023 елның шул ук чоры белән чагыштырганда, якынча 47 процентка арткан (узган ел 4064 кеше булса, хәзер - 5972 кеше). Бу Татарстанстатның республиканың социаль-икътисади хәле турындагы докладыннан билгеле булды.

Нәтиҗәдә төбәк буенча бу күрсәткеч бер мең кешегә -2,0дән -3,0кә кадәр арткан.

Татарстанда гыйнвар-июнь айларында 16941 бала тууы теркәлгән, 2023 елның шул ук чоры белән чагыштырганда, 473кә кимрәк. Шул ук вакытта июньдә туучылар санының кимү темплары гыйнвар-май белән чагыштырганда үзгәрмәде..

Шул ук вакытта республикада 22913 үлем очрагы теркәлгән — 2023 елның гыйнвар-июнь айларына караганда 1435кә күбрәк. Бер ай эчендә үлүчеләр саны арткан, узган елның шул чоры белән чагыштырганда, 6,4 проценттан 6,5 процентка кадәр. Узган ел белән чагыштырганда сабыйлар үлеме саны 57дән 46га кадәр кимегән.

Нәтиҗәдә, бер мең кешегә туучылар саны күрсәткече 8,8дән 8,5кә кадәр кимеде, ә үлүчеләр саны 10,8дән 11,5кә кадәр артты.