Владимир Путин Россиядә үзебезнең самолетларны төзүнең мөһим булуын әйтте

Россиядә үзебезнең самолетларны төзергә кирәк – ышанычлы, сыйфатлы һәм таләп ителгән күләмнәрдә. Бу хакта Россия Президенты Владимир Путин Владивостокта IX Көнчыгыш икътисади форумының пленар утырышында әйтте.

«Мөһим мәсьәлә булып авиапарк тора. Безгә үзебезнең самолетларны төзергә кирәк: ышанычлы, сыйфатлы һәм безгә кирәкле күләмнәрдә», - дип ассызыклады Россия лидеры.

Шул ук вакытта Путин 1947 елдан 1971 елга кадәр чыгарылган Ан-2 самолетын алыштырырга тиешле ЛМС-901 «Байкал» күп максатлы җиңел самолетының пассажир версиясен булдыруны тизәйтергә чакырды.

Дәүләт башлыгы сүзләренчә, «Байкал»ны серияле җитештерүне «якын арада» башлап җибәрергә кирәк. Машинаның бәясе һәм техник характеристикалары гражданнар өчен самолетта очуны арзанлы итәргә тиеш.

Әгәр дә вәзгыять башкача булса, «ул очракта субсидияләргә кирәк», дип белдерде Владимир Путин.