Чаллыда уртача хезмәт хакы 82 мең сумнан арткан
Бүгенге көндә Чаллыда уртача хезмәт хакы аена 82 мең сумнан артык. Бу хакта ТР Дәүләт Советы Рәисе Фәрит Мөхәммәтшинның Чаллыга сәфәре вакытында шәһәр мэры Наил Мәһдиев хәбәр итте.
«Бүгенге көндә Чаллы шәһәрендә уртача хезмәт хакы 82 мең сумнан артык. Бу яшәү һәм эшләү өчен лаеклы хезмәт хакы», — диде шәһәр башлыгы.
Чаллы һәрвакыт билгеле бер ныклык запасына, үз характерына ия һәм һәрвакыт актив, дип өстәде ул.