Рөстәм Миңнеханов Көнчыгыш икътисади форумда катнашу өчен Владивостокка килде

Татарстан Рәисе Рөстәм Миңнеханов Владивостокка килде. Республика делегациясе Көнчыгыш икътисади форумда катнашачак. Бу хакта ТР Рәисе матбугат хезмәте җитәкчесе Лилия Галимова хәбәр итте.

Форум мәйданчыгында төбәк стенды урнаштырылган.

Чарада 40тан артык илдән һәм территориядән 4,2 меңнән артык вәкил катнашуын раслады. Шул исәптән Көнчыгыш икътисади форумда Малайзия Премьер-министры Әнвәр Ибраһим булуы көтелә.

Чара 2024 елның 3 сентябреннән 6 сентябренә кадәр була.