Россия төбәкләрендә юллардагы камераларны массакүләм рәвештә яңадан көйлиләр

1 сентябрьдән Россия төбәкләрендә юл хәрәкәте кагыйдәләрен бозуны фото һәм видеотеркәүгә таләпләр үзгәрү сәбәпле, гамәлдәге юл камераларын массакүләм рәвештә сүндерә башладылар. Бу хакта Коммерсантъ яза.

Яңа таләпләргә комплексларны урнаштыру урыннары һәм шартлары исемлеге, шулай ук аларны юлларда билгеләү кагыйдәләре керә. Моңа кадәр бу өлкәдә киңәшләр һәм мәҗбүри булмаган стандартлар гамәлдә булган, ә машина йөртүчеләрдән камераларны куркынычсызлык өчен түгел, ә бюджетны штрафлар белән тулыландыру өчен урнаштыруларына шикаятьләр килгән.

Татарстанда яңа таләпләргә туры килми торган 95 (гомуми санның 11 проценты), ә Мәскәү өлкәсендә — 87 (4 процент) камера эшен төзәтергә планлаштыралар. Хәзер камераларны башка урыннарда урнаштыру өчен демонтажлыйлар. Свердловск өлкәсендә 28 камера, Башкортстанда — 31 камера, Омск өлкәсендә — 23 камера (10 процент), Иркутск өлкәсендә — 53 камера (25 процент) эшен төзәтергә телиләр, дип яза басма.

Бер камераны башыннан алып ахырына кадәр киредән тоташтыру 500 меңгә кадәр җитәргә мөмкин, диелә хәбәрдә.