Мөхәммәтшин Лаеш районындагы ике яңа мәктәптә тантаналы линейкаларда катнашты

Татарстан Дәүләт Советы Рәисе Фәрит Мөхәммәтшин бүген Лаеш районының ике яңа мәктәбендә тантаналы линейкаларда булды. Бу Комлы Кавалдагы «Гармония» һәм Усадтагы «Инноватика» күп профильле лицейлары, дип хәбәр итә республика парламенты матбугат хезмәте.

Мөхәммәтшин укытучылар, укучылар һәм ата-аналарны яңа уку елы башлану белән котлады, балаларга укуда уңышлар һәм тормышта активлык теләде. Ул ассызыклаганча, мәктәп белеме элеккечә дәүләт органнары эшчәнлегенең өстенлекле юнәлешләренең берсе булып тора.

2024 елда Татарстанда сигез яңа мәктәп төзелде. Шуларның берсе – «Гармония» күп профильле лицее. Белем бирү учреждениесендә эшләр 827 миллион сумнан артыкка төшкән. Лицей 500 урынга исәпләнгән.

«Мәктәп – ул безнең җәмгыятебезнең киләчәге төзелә торган нигез булып тора», — дип билгеләде Мөхәммәтшин.

Ул лицейның педагогик кадрлар белән тәэмин ителешенә аерым игътибар итте. Бу барлык фәннәр буенча тулы күләмдә укыту алып баруны, балаларга тулы белем һәм зур тормышка әзерлек бирүне мөмкин итәчәк.