Җирдә уртача интенсивлыктагы магнит давылы башланды

Җирдә чираттагы магнит давылы башланды. Ул икенче интенсивлык дәрәҗәсеннән (G2 классына туры килә) югары күтәрелмәячәк һәм озак дәвам итмәячәк. «Фобос» һава торышы үзәгенең әйдәп баручы белгече Михаил Леус телеграм-каналында шул хакта хәбәр итте.

«Төнге 3тән соң Җирдә G2 классындагы уртача магнит давылы башланды, бу – магнит давылларының мөмкин булган биш интенсивлык дәрәҗәсенең икенчесе. Магнит давылы озак дәвам итмәячәк һәм аның интенсивлыгы көчәер дип көтелми», - диде белгеч.