Синоптиклар Татарстанда яшәүчеләрне яңгыр, яшен һәм боз турында кисәтте

Бүген Татарстанда алмашынучан болытлы һава көтелә. Яңгыр явачак, кайбер районнарда яшен, боз явачак. Бу хакта ТР Гидрометеоүзәгенең матбугат хезмәте хәбәр итә.

Көндез һава +25 градуска кадәр җылыначак (төнлә +12..+ 17 градуска кадәр). Җил көньяк-көнчыгыштан исәчәк, аннан ул юнәлешен көньяк-көнбатышка үзгәртәчәк, җилнең тизлеге секундына 11 метр тәшкил итә, урыны белән 20-24 метрга кадәр көчәячәк.