Чаллы мэры махсус операциядә катнашучы хәрбиләргә радиостанцияләр тапшырды

Чаллы мэры Наил Мәһдиев махсус операция зонасыннан туган ягына кыска вакытлы ялга кайткан хәрбигә шефлык ярдәме тапшырды. Бу хакта «Татар-информ» хәбәрчесе Александра Давыдова яза.

Хәрби ике диапазонлы һәм күтәреп йөртә торган радиостанцияләрне кабул итеп алды, алар пехотага алга узарга һәм яшеренергә ярдәм итә. Соңгысының куәте – 10 ватт, ә элемтә диапазоны – 12 километр. Анда шулай ук дым һәм тузаннан саклый торган җайланма бар, бу станциядән хәтта бер метрга кадәр тирәнлектә дә файдаланырга мөмкинлек бирә.

«Бу радиостанцияләр безгә бик кирәк. Алар яхшы һәм заманча элемтә белән тәэмин итә, бу – иң мөһиме. Моннан, әлбәттә, безнең сугышчан рух күтәрелә. Без аның ярдәмендә яхшырак һәм тизрәк эшләячәкбез», - диде хәрби.

Чаллы махсус хәрби операциядә катнашучыларга шефлык ярдәмен даими нигездә күрсәтә. Моннан тыш, волонтерлар, шәһәрнең төрле оешмалары һәм битараф булмаган кешеләр аларга кирәкле бөтен әйберләр кергән посылкалар җыя.

«Аларның тыныч тормышыбызны, илебезнең азатлыгын һәм бәйсезлеген яклавын аңлаган хәлдә, хәрбиләребезгә ярдәм күрсәтүне дәвам итәчәкбез. Алар – чын Геройлар!» – дип сүзен төгәлләде Мәһдиев.