Владимир Путин Си Цзиньпинны Казанда узачак БРИКС саммитына чакырды

РФ Президенты Владимир Путин Кытай Республикасы Рәисе Си Цзиньпинның БРИКС саммитына киләчәгенә өметен белдерде. Искәртик, чара 2024 елның октябрендә ТР башкаласында узачак.

«Быел октябрь аенда Казанда узачак саммитта Сез һәм коллегаларыбыз катнашыр, дип өметләнәбез», - дип Путинның цитатасын китерә ТАСС.

Россия лидеры БРИКС оешмасы аларның (Путин һәм Си Цзиньпин) инициативасы буенча оештырылуын искәртте.

• Бүген ике илнең лидеры Шанхай хезмәттәшлеге оешмасы саммиты ачылу алдыннан Астанада очрашты.