«Алтын каләм» фестивалендә җиңгән уку йортлары медиаүзәкләренә миллион сум биреләчәк

«Алтын каләм» Республика яшүсмерләр һәм яшьләр матбугаты фестиваленә быел ике яңа номинация өстәлгән. Номинацияләрдә җиңүчеләр 1 миллион сумга ия булачак. Бу хакта «Татар-информ»да узган матбугат очрашуында ТР Яшьләр эшләре министры Ринат Садыйков әйтте.

«Быел югары уку йортлары һәм техникумнарыбызның медиаүзәкләре эшчәнлегенә ярдәм итәргә булдык. Шуңа күрә өстәмә рәвештә «Югары уку йортлары арасында иң яхшы медиаүзәк», «Урта уку йортлары арасында иң яхшы медиаүзәк» номинацияләрен игълан иттек. Фестивальнең җиңүчеләре үз эшләрен камилләштереп, медиаүзәкне техник яктан тулыландырсын һәм алга таба аның эшчәнлеген югары уку йорты һәм техникум эчендә генә түгел, ә Татарстан Республикасында да үстерә алсын өчен, аларга 1 миллион сум бирәчәкбез», – дип сөйләде Ринат Садыйков.

• «Алтын каләм» яшьләр матбугаты фестивале финалистлары Казанга җыелды