Täjik türmeleriniň birinde pitne bolup, birnäçe tussag öldürildi
Azatlyk radiosynyň Täjik gullugy 3-nji fewralda ýurduň Wahdat türmesinde zamun almak we soň gaçmak synanyşygynyň edilendigini habar berdi. Neşir bu maglumaty Täjigistanyň Adalat ministrliginiň Jenaýat jezalaryny ýerine ýetirmek baradaky baş müdirligine salgylanyp çap etdi.
“2025-nji ýylyň 3-nji fewralynda, sagat 15: 44-de Täjigistanyň Adalat ministrliginiň Jenaýat jezalaryny ýerine ýetirmek boýunça baş müdirliginiň 3/2 belgili düzediş edarasynda 9 tussagdan ybarat bir topar öýde ýasalan gurallary ulanyp, jogapkär işgärlere - düzediş edarasynyň goragçylaryna ölüm howply hüjüm etdi” diýip, resmi beýanatda aýdylýar.
Şeýle-de, tussaglaryň elde ýasalan ýiti kesiji we demir pyçaklary ulanyp, edaranyň administrasiýasynyň kanuny talaplaryna boýun egmän, şikaýat etmezden ýa-da şert goýmazdan öz jenaýatçylykly işlerini dowam etdirendikleri, edaranyň goragçylaryny öldürmäge we gaçmaga synanyşandyklary aýdylýar.
"Edaranyň howpsuzlyk we gorag ulgamy doly dikeldildi" diýip, Jezalary ýerine ýetirmek boýunça baş müdirligiň beýanatynda nygtaldy.
Resmi maglumatlara görä, hüjüm netijesinde üç türme işgäri agyr beden ýarasyny aldy, häkimiýetleriň jogap çäreleri netijesinde üç tussag öldürildi, galanlary tussag edildi.
Emma muňa garamazdan, käbir habar serişdeleriniň maglumatyna görä, hüjüm netijesinde öldürilen tussaglaryň sany has köp.
“TajNews” web sahypasy öldürilen 6 tussagyň kartoçkalaryny çap etdi we öldürilen 7 adamyň atlaryny görkezdi.
Garaşsyz neşiriň çap eden suratlarynda bäş tussagyň jesedi görkezilýär. “TajNews” suratlarynyň birinde ölenleriň biriniň baş gabynda YD terrorçy toparynyň baýdagyny şekillendirýän ýama görünýär.
“2025-nji ýylyň 3-nji fewralynda, sagat 15: 44-de Täjigistanyň Adalat ministrliginiň Jenaýat jezalaryny ýerine ýetirmek boýunça baş müdirliginiň 3/2 belgili düzediş edarasynda 9 tussagdan ybarat bir topar öýde ýasalan gurallary ulanyp, jogapkär işgärlere - düzediş edarasynyň goragçylaryna ölüm howply hüjüm etdi” diýip, resmi beýanatda aýdylýar.
Şeýle-de, tussaglaryň elde ýasalan ýiti kesiji we demir pyçaklary ulanyp, edaranyň administrasiýasynyň kanuny talaplaryna boýun egmän, şikaýat etmezden ýa-da şert goýmazdan öz jenaýatçylykly işlerini dowam etdirendikleri, edaranyň goragçylaryny öldürmäge we gaçmaga synanyşandyklary aýdylýar.
"Edaranyň howpsuzlyk we gorag ulgamy doly dikeldildi" diýip, Jezalary ýerine ýetirmek boýunça baş müdirligiň beýanatynda nygtaldy.
Resmi maglumatlara görä, hüjüm netijesinde üç türme işgäri agyr beden ýarasyny aldy, häkimiýetleriň jogap çäreleri netijesinde üç tussag öldürildi, galanlary tussag edildi.
Emma muňa garamazdan, käbir habar serişdeleriniň maglumatyna görä, hüjüm netijesinde öldürilen tussaglaryň sany has köp.
“TajNews” web sahypasy öldürilen 6 tussagyň kartoçkalaryny çap etdi we öldürilen 7 adamyň atlaryny görkezdi.
Garaşsyz neşiriň çap eden suratlarynda bäş tussagyň jesedi görkezilýär. “TajNews” suratlarynyň birinde ölenleriň biriniň baş gabynda YD terrorçy toparynyň baýdagyny şekillendirýän ýama görünýär.